ഉത്സവ നൃത്തവേദിയിൽ തളർന്നുവീണ വീട്ടമ്മ മരിച്ചു

കോഴിക്കോട്: പെരുമണ്ണ പയ്യടി മേത്തൽ ചിറക്കൽ ഭഗവതി ക്ഷേത്രത്തിലെ ഉത്സവ ചടങ്ങിനിടെ നൃത്തം അവതരിപ്പിച്ച വീട്ടമ്മ കുഴഞ്ഞുവീണ് മരിച്ചു. പാലാഴി സ്വദേശി ഷൈനി (54) ആണ് അന്തരിച്ചത്. ഇന്നലെ രാത്രി ക്ഷേത്രോത്സവത്തിന്റെ ഭാഗമായുള്ള പരിപാടികൾക്കിടെയായിരുന്നു ദാരുണമായ സംഭവം.

നൃത്തത്തിനിടയിൽ ദേഹാസ്വാസ്ഥ്യം

പ്രദേശത്തെ ഏഴ് വീട്ടമ്മമാർ ചേർന്ന് അവതരിപ്പിച്ച നൃത്ത പരിപാടിയിലായിരുന്നു ഷൈനിയും പങ്കെടുത്തത്. നൃത്തം പൂർത്തിയാകുന്നതിന് മുൻപേ ഇവർക്ക് ശാരീരിക അസ്വാസ്ഥ്യം അനുഭവപ്പെടുകയായിരുന്നു. തുടർന്ന് സ്റ്റേജിന് പിന്നിലേക്ക് മാറിയ ഷൈനിയെ ഉടൻ തന്നെ പാലാഴിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

കുടുംബം

എ.എൻ ഷാജുവാണ് ഭർത്താവ്. ഡോ. സ്നേഹ, സപ്ത എന്നിവർ മക്കളാണ്. അപ്രതീക്ഷിതമായുണ്ടായ ഈ വിയോഗത്തിന്റെ ഞെട്ടലിലാണ് നാടൊന്നാകെ