മലപ്പുറം ആതവനാട് മിനിലോറി ക്വാറിയിലെ വെള്ളക്കെട്ടിലേക്ക് മറിഞ്ഞു; സഹായിക്കായി തിരച്ചിൽ തുടരുന്നു

​മലപ്പുറം: ആതവനാട് ഊരോത്ത്പള്ളിയാലിൽ നിയന്ത്രണം വിട്ട മിനിലോറി ക്വാറിയിലെ വെള്ളക്കെട്ടിലേക്ക് മറിഞ്ഞു. ഇന്ന് ഉച്ചയോടെയാണ് നാടിനെ നടുക്കിയ അപകടമുണ്ടായത്. നിത്യോപയോഗ സാധനങ്ങൾ വിതരണം ചെയ്യുന്ന വാഹനമാണ് 30 അടി താഴ്ചയിലുള്ള വെള്ളക്കെട്ടിലേക്ക് പതിച്ചത്.

​ഒരാളെ രക്ഷപ്പെടുത്തി; സഹായിക്കായി തിരച്ചിൽ

​അപകടസമയത്ത് ഡ്രൈവറടക്കം രണ്ട് പേരാണ് വാഹനത്തിലുണ്ടായിരുന്നത്. ഡ്രൈവർ ജാഫറിനെ നാട്ടുകാർ ചേർന്ന് രക്ഷപ്പെടുത്തി. നിസാര പരിക്കുകളേറ്റ ഇയാളെ ഉടൻ തന്നെ ആശുപത്രിയിൽ പ്രവേശിപ്പിച്ചു. എന്നാൽ വാഹനത്തിലുണ്ടായിരുന്ന സഹായി മുസ്തഫ വണ്ടിക്കുള്ളിൽ കുടുങ്ങിക്കിടക്കുകയാണെന്നാണ് ലഭിക്കുന്ന വിവരം.

​പൂർണ്ണമായും വെള്ളത്തിൽ മുങ്ങിപ്പോയ വാഹനത്തിൽ നിന്നും മുസ്തഫയെ പുറത്തെടുക്കാനുള്ള ശ്രമങ്ങൾ ഫയർഫോഴ്‌സും പോലീസും നാട്ടുകാരും ചേർന്ന് നടത്തിവരികയാണ്.

​അപകടം 30 അടി താഴ്ചയിലേക്ക്

​സാധനങ്ങളുമായി പോവുകയായിരുന്ന ലോറി നിയന്ത്രണം വിട്ട് താഴ്ചയിലുള്ള ക്വാറിയിലേക്ക് മറിയുകയായിരുന്നു. കഴിഞ്ഞ കുറച്ചു ദിവസങ്ങളായി തുടരുന്ന മഴ കാരണം ക്വാറിയിൽ നല്ല രീതിയിൽ വെള്ളമുണ്ടായിരുന്നു. ഇത് രക്ഷാപ്രവർത്തനത്തിന് വെല്ലുവിളി ഉയർത്തുന്നുണ്ട്