നന്തി - പള്ളിക്കര പൊതുമരമാത്ത് വകുപ്പ് റോഡ് അടച്ച് പൂട്ടാനുള്ള നീക്കത്തിനെതിരെ പ്രതിഷേധം മൂടാടി പഞ്ചായത്ത് ജനകീയ കമ്മിറ്റിയുടെ നേതൃത്വത്തിൽ നന്തിയിൽ സമരപ്പന്തൽ

കൊയിലാണ്ടി: എൻഎച്ച്66 ൻ്റ ഭാഗമായി നന്തി ചെങ്ങോട്ട് കാവ് ബൈപാസ് നിർമിക്കുമ്പോൾ നന്തി - പള്ളിക്കര പൊതുമരമാത്ത് വകുപ്പ് റോഡ് അടച്ച് പൂട്ടാനുള്ള നീക്കം ആരംഭിച്ചതിനെ തുടർന്ന് മൂടാടി പഞ്ചായത്ത് ജനകീയ കമ്മിറ്റിയുടെ നേതൃത്വത്തിൽ നന്തിയിൽ സമരപന്തൽ കെട്ടി. ഗ്രാമപഞ്ചായത്ത് പ്രസിഡൻ്റ് സി.കെ. ശ്രീകുമാർ സമര കേന്ദ്രം ഉത്ഘാടനം ചെയ്തു. രാമകൃഷ്ണൻ കിഴക്കയിൽ അദ്ധ്യക്ഷനായി.റോഡ് അടക്കുന്നത് കാഴ്ചകാരായി നോക്കി നിൽക്കില്ലെന്നും ശക്തമായ ജനകീയ പ്രതിരോധം തീർക്കുമെന്നും പ്രസിഡൻ്റ് പറഞ്ഞു. കെ. ജീവാനന്ദൻ മാസ്റ്റർ, വാർഡ് മെമ്പർ മാരായ പപ്പൻ മൂടാടി,റഫീഖ്പുത്തലത്ത്, ടി.കെ ഭാസ്കരൻ, എന്നിവരും പാർട്ടിനേതാക്കളായ സത്യൻ എൻ.വി. എം, ചേനോത്ത് ഭാസ്കരൻ,കെ.എം കുഞ്ഞികണാരൻ, റസൽ നന്തി സംസാരിച്ചു. കമ്മിറ്റി കൺവീനർ വി.വി. സുരേഷ് സ്വാഗതവും വി.കെ. രവീന്ദ്രൻ നന്ദിയും പറഞ്ഞു.