ചേളാരിയിലും നെട്ടൂരും തീപ്പിടിത്തം

മലപ്പുറം : ചേളാരിയിലും നെട്ടൂരും തീപ്പിടിത്തം  ചേളാരിയില്‍ ഫര്‍ണിച്ചര്‍ നിര്‍മാണ യൂണിറ്റ് പ്രവര്‍ത്തിക്കുന്ന ഷെഡിനാണ് തീപിടിച്ച് . ഹരിതകര്‍മസേന കൂട്ടിവെച്ച പ്ലാസ്റ്റിക് കൂമ്പാരത്തില്‍ നിന്നാണ് തീ പടര്‍ന്നതെന്നാണു വിവരം. 

എറണാകുളം നെട്ടൂരില്‍ ആളൊഴിഞ്ഞ ഫ്‌ളാറ്റിന് സമീപമുള്ള കെട്ടിടത്തിനടിയില്‍ തീപിടിച്ച് സമീപത്ത് പാര്‍ക്ക് ചെയ്തിരുന്ന രണ്ട് കാറുകള്‍ കത്തിനശിച്ചു. 

വാഹനങ്ങൾ കത്തി നശിച്ചു

നെട്ടൂര്‍ പാറയില്‍ അന്‍വറിന്റെ മാരുതി സെന്‍ കാര്‍, അമ്പലത്ത് വീട് റിയാസിന്റെ മഹീന്ദ്ര സൈലോ കാറുമാണ് കത്തിനശിച്ചത്. ബുധനാഴ്ച രാത്രി ഒമ്പത് മണിയോടെയാണ് തീപിടിത്തമുണ്ടായത്. 

സ്വകാര്യ വ്യക്തിയുടെ ഉടമസ്ഥതയിലുള്ള കെട്ടിടത്തില്‍ മരട് നഗരസഭയിലെ പുതിയ 29-ാം ഡിവിഷനിലെ ഹരിത കര്‍മസേന സൂക്ഷിച്ച പ്ലാസ്റ്റിക് മാലിന്യങ്ങള്‍ക്കാണ് തീപിടിച്ചത്. നിമിഷ നേരം കൊണ്ടാണ് തീ പടർന്നത്. സാമൂഹികവിരുദ്ധര്‍ തീ ഇട്ടതാകാമെന്ന് സംശയിക്കുന്നു.